ანტონიო პინტუსმა „რეალის“ ვარჯიშზე ძველი წესები დააბრუნა, სადაც ფეხბურთლებმა აირწინაღები და სპეციალური აპარატურა გაიკეთეს. ამ ტექნოლოგიის გამოყენებით, სამედიცინო შტაბმა დეტალური ინფორმაცია შეაგროვა მოთამაშეების მდგომარეობის შესახებ.

აღსანიშნავია, რომ ფიზიკური თვალსაზრისით ვინისიუს ჟუნიორი თანაგუნდელებზე ბევრად წინ არის. ბრაზილიელი ფეხბურთელის კონდიცია უმაღლესი შეფასებით იწონებს თავს, სხვა ფეხბურთელებთან კი სამუშაო ბევრია.

„მარკას“ ინფორმაციით, გუნდში ყველა ფეხბურთელთან დაკავშირებით ინდივიდუალური მიდგომა იქნება და ანტონიო ეცდება, რომ ყველას საკუთარი პროგრამა გაუწეროს.

ასევე აღსანიშნავია, რომ ჯუდ ბელინგემმა მიღებული ტრავმის გამო, სპეციალური პროგრამის შესრულება შეწყვიტა, თუმცა დაბრუნების შემდეგ, იგივე პროცესის გავლა აუცილებლად მოუწევს.

რაც შეეხება ვინისიუსს, ის ნებისმიერ მატჩში 90 წუთიანი დატვირთვის მისაღებად მზად არის და სეზონის გადამწყვეტ ეტაპზეც მოწოდების სიმაღლეზე იდგება.