ფლორენტინო პერესის ნდობით აღჭურვილი ხუნი კალაფატი ნახევარდაცვის გაძლიერებაზე სერიოზულად მუშაობს.

ამ ეტაპზე მადრიდის „რეალს“ 4 ფავორიტი ჰყავს და მიიჩნევს, რომ ამ ფეხბურთელებს შორის უნდა გაკეთდეს არჩევანი.

„ბლანკოსს“ მოსწონს კის სმიტი, თუმცა მასზე უფრო შორეულ გათვლას აკეთებს, ასევე გუნდის რადარზეა ადამ ვორტონი, მის შემთხვევაში მსურველი გუნდების რაოდენობა ყოველკვირეულად იზრდება, ამიტომ სწრაფი და ქმედითი ნაბიჯების გადადგმაა საჭირო.

ამასთან ერთად, პერესი ინტერესდება ენცო ფერნანდესის და ალექსის მაკ ალისტერის დამატებით, ამ მიმართულებით „ბლანკოსი“ სერიოზულად მუშაობს.

ამ ეტაპისთვის „ბლანკოსის“ რეალური ვარიანტები ზემოხსენებული ფეხბურთელები არიან, თუმცა ფლორენტინო არ ივიწყებს ვიტინიას კანდიდატურასაც, თუმცა მადრიდში კარგად იციან, რომ „პსჟ“-სთან შეთანხმების მიღწევა ურთულესი იქნება.