ბრიტანული გამოცემების ცნობით, მადრიდის „რეალი“ ლონდონის „ჩელსისთან“ სერიოზულ მუშაობას გეგმავს.

არგენტინელი ფეხბურთელის მიმართ ინტერესი იზრდება. მადრიდის „რეალი“ ენცოში დიდ პერსპექტივას ხედავს და მიიჩნევს, რომ ნახევარდაცვაში არსებული პრობლემების მოგვარება შესაძლებელი იქნება.

არაოფიციალური ინფორმაციით, მხარეები ედუარდო კამავინგას და ენცოს ბარტერზეც საუბრობენ, თუმცა  ამ შემთხვევაში, ფლორენტინო პერესს გარკვეული თანხის დამატებაც მოუწევს.

ასევე ვრცელდებოდა ინფორმაციები, რომლის მიხედვითაც, „ჩელსი“ ვინისიუსს ითხოვდა და მზად იყო, თანხა თავად დაემატებინა, თუმცა ფლორენტინოსგან უარი მიიღო.

მოქმედი კონტრაქტი, რომელიც ფერნანდესს „არისტოკრატებთან“ აკავშირებს, 2032 წლის 30 ივნისამდეა ძალაში.