ესპანური გამოცემების ცნობით, ედუარდო კამავინგას „რეალიდან“ წასვლის შანსები უფროდაუფრო იზრდება.

მას შემდეგ, რაც ცნობილი გახდა, რომ ფლორენტინო პერესი გუნდის ნახევარდაცვის სერიოზულ გადახალისებას გეგმავს, კამავინგასთან დაკავშირებით გუნდმა არაერთი წინადადება მიიღო.

ერთ-ერთი გუნდი, რომელიც კამას მიმართ დიდ ინტერესს იჩენს, ლონდონის „ჩელსია“. „ბლანკოსმა“ ლონდონურ მხარესთან მოლაპარაკებები ზაფხულამდე გადადო. ამასთანავე, არისტოკრატებმა იციან, რომ კამავინგას სანაცვლოდ 100 მილიონის გადახდა მოუწევთ.

ყოველივე ზემოაღნიშნულის პარალელურად, ასპარეზზე საუდის არაბეთის რამდენიმე კლუბი გამოდის. ესპანური გამოცემების ცნობით, „რეალმა“ 130 მილიონიანი შეთავაზება მიიღო.

პერესი ეცდება კამა რაც შეიძლება ძვირად გაყიდოს, მაგრამ აქ ფეხბურთელის პოზიციაც იქნება გათვალისწინებული.