ფედერიკო ვალვერდემ „რაიო ვალეკანოსთან“ მატჩის შემდეგ კომენტარი გააკეთა.

„პირველ ტაიმში აბსოლუტური დომინაცია გვქონდა და მინიმუმ 2 გოლის გატანას ვიმსახურებდით, თუმცა ვერ მოვახერხეთ. მივიჩნევ, რომ „რეალს“ ამდენი ბრძოლა არ უნდა დაჭირვებოდა, თუმცა გუნდმა კიდევ ერთხელ გამოამჟღავნა სულისკვეთება, რომელიც მადრიდში სუფევს. გაგვიჭირდა, თუმცა გავიმარჯვეთ და ეს 3 ქულა ძალიან მნიშვნელოვანი იყო.“

„ლა ლიგისთვის ბრძოლა გრძელდება, ჩამორჩენა მინიმალური გვაქვს, თუმცა ვიცით, რომ სტაბილური  სერია გვჭირდება და ამისთვის ყველაფერს გავაკეთებთ.“

„არასდროს უნდა დაველოდოთ მოწინააღმდეგე გუნდის შეცდომას. ჩვენთვის მთავარი უნდა იყოს პირველიდან ბოლო წუთამდე ბრძოლა და შედეგზე ფიქრი.“

„შუა კვირაში მატჩის ჩატარება არ მოგვიწევს, რაც მშვიდად მომზადების საშუალებას მოგცემს. ვეცდებით, ეს დღეები ენერგიის აღდგენას და ტაქტიკური კომპონენტის დახვეწას დავუთმოთ.“