ალვარო არბელოამ „ბენფიკასთან“ მატჩის შემდეგ პრესკონფერენცია გამართა.

„ჩვენ გვაკლდა სიზუსტე და აგრესია, არ ვიყავით ისეთი მონდომებულები, როგორც ჟოზე მოურინიოს გუნდი, სწორედ ამიტომ დავმარცხდით.“

„იყო მომენტები, სადაც კიდევ ერთი გოლის გატანა შეგვეძლო, მაგრამ არ გაგვიმართლა და შესაბამისად, სიტუაციაც სხვანაირად განვითარდა.“

„სამწუხაროდ, ისევ ამ განცხადების გაკეთება მიწევს, მაგრამ არ დავიღლები, წაგებას ჩემს თავზე ვიღებ, აქ ფეხბურთელების ბრალი არაფერია.“

„„ბენფიკას“ დონე ჩემთვის სიურპრიზი არ იყო. ამ გუნდს დიდი პოტენციალი აქვს. დარწმუნებული ვარ, ჟოზეს გუნდის პროგრესი მომავალშიც დაფიქსირდება.“

„ყვითელი ბარათების გამო პრობლემები შეგვექმნა, ამიტომ ცვლილებები იყო საჭირო. ყველა გადაწყვეტილებაზე მე ვიღებ პასუხს, ამაში ფეხბურთელების ბრალი ნამდვილად არაფერი არ არის.“

„ნახევარდაცვაში მეტი ბალანსი გვჭირდებოდა. ფაქტია, რომ ამ მხრივ მოვიკოჭლებდით, „ბენფიკა“ კი ძალიან სწრაფ და ეფექტურ შეტევებს ახორციელებდა.“

„ახლა დაველოდებით წილისყრას, თებერვალში კი ყველაფერს ვიღონებთ ორრაუნდიანი ბრძოლის მოსაგებად.“