კანტერანო ალექს ხიმენესი პრემიერლიგაში ბრწყინავს. ახალგაზრდა განაპირა მცველის პროგრესი აშკარა და თვალნათლივია, რაც არც სამეფო კლუბის ხელმძღვანელობას გამორჩენია.

ალექსის ყველაზე კარგი თვისება უნივერსალობაა, ის პოზიციით მარჯვენა მცველია, თუმცა მარცხენა ფლანგზეც საკმაოდ ეფექტურად ასპარეზობს.

ხიმენესი „ბორნმუთს“ იდეალურად მოერგო და პრემიერლიგაში ერთ-ერთ საუკეთესო განაპირა მცველად ითვლება.

რაც შეეხება ალეხანდროს კონტრაქტს, ის ინგლისში „მილანიდან“ იჯარის წესით თამაშობს და 2026 წლის ზაფხულში „როსონერის“ რიგებში უნდა დაბრუნდეს, თუმცა ფლორენტინო პერესი ფეხბურთელის სატრანსფერო უფლებების გარკვეულ პაკეტს ფლობს და სურვილის შემთხვევაში, კონკრეტულ თანხას გადაიხდის და მას მადრიდში დააბრუნებს.

მადრიდში მიიჩნევენ, რომ ინგლისმა ხიმენესს ფიზიკური კონდიციები გაუუმჯობესა, ასევე გაუმჯობესდა მისი ინტელექტუალური თვისებებიც.

„მარკას“ ინფორმაციით, „რეალი“ კანტერანოს დაბრუნებაზე სერიოზულად ფიქრობს და მომდევნო თვეები ამ მხრივ გადამწყვეტი იქნება.