ჯერ სეზონის ნახევარია გასული, თუმცა არდა გიულერი შარშან დაფიქსირებულ შედეგს უკვე უახლოვდება.

თურქი ფეხბურთელის ანგარიშზე ამ სეზონში უკვე 32 დაპირისპირება და 1958 წუთია.

შარშანდელ სეზონში გიულერმა 2198 წუთი მთელ სეზონში გაატარა მოედანზე, რაც იმას ნიშნავს, რომ სულ რაღაც 2 კვირაში თურქ ფეხბურთელს ეს შედეგი უკვე გაუმჯობესებული ექნება.

არდა როგორც ჩაბი ალონსოს, ასევე ალვარო არბელოას პირობებში ძირითადი შემადგენლობის ფეხბურთელად ითვლება და საკმაოდ მაღალი მარგი ქმედების კოეფიციენტიც აქვს.

„მარკას“ ვარაუდით, თუ თურქს დაზიანებები არ ექნება,,  სეზონის ბოლოს გიულერის ანგარიშზე მინიმუმ 3 500 ნათამაშები წუთი დაფიქსირდება, რაც ჯამურად უფრო მეტი იქნება, ვიდრე გასულ 2 სეზონში დაფიქსირებული სტატისტიკური მაჩვენებელი იყო.