სამეფო კლუბმა „ლა სერამიკაზე“ უმნიშვნელოვანესი მატჩი მოიგო და 3 ქულა ჩაიწერა აქტივში.

21-ე ტურის შემდეგ „ბლანკოსი“ დროებით გალიდერდა და „ბარსელონას“ შედეგს ელოდება, თუმცა კატალონიელთა მეტოქე მე-20 ადგილზე მყოფი „ოვიედო“ გახლავთ, სწორედ ამიტომ, რთულად წარმოსადგენია, რომ ჰანსი ფლიკის გუნდი ქულებს დაკარგავს.

ამ ეტაპისთვის სამეფო კლუბის აქტივში 51 ქულაა, „ბარსელონას“ კი 49 ქულა აქვს.

რაც შეეხება „ვილიარეალს“, ბოლოდროინდელი არასტაბილური გამოსვლების ფონზე, მესამეადგილოსანი გუნდი პირველ და მეორეადგილოსან „რეალსა“ და „ბარსელონას“ უკვე მნიშვნელოვნად ჩამორჩა და მესამე პოზიციის დაკარგვის რისკიც გაუჩნდა.