დაიო უპამეკანოსა და მიუნხენის „ბაიერნს“ შორის მოლაპარაკებები ბოლო ეტაპზე გადავიდა.

ფრანგი ფეხბურთელი ახალ კონტრაქტზე ხელის მოწერასთან ძალიან ახლოს არის.

„რეკორდმაისტერის“ ახალი შეთავაზების მიხედვით, უპამეკანო გუნდში 2031 წლის 30 ივნისამდე უნდა დარჩეს.

ასევე შეთანხმებაში ჩაიდება პუნქტი,  რომლის მიხედვითაც, 2027 წლიდან, დაიოს გამოსასყიდი თანხა 65 მილიონი ევრო იქნება და დამატებით ფეხბურთელი 20 მილიონიან ბონუსს მიიღებს.

ესპანური გამოცემების ცნობით, ეს მოცემულობა ფლორენტინო პერესს ხელს არ აძლევს და ფრანგის გამადრიდელების შანსი მცირდება.