მას შემდეგ, რაც ჩაბი ალონსო „რეალის“ მთავარი მწვრთნელი გახდა, გუნდი ჩემპიონთა ლიგის გასვლითი მატჩების წინ მეტოქის მოედანზე არ ვარჯიშობდა და ფინალურ სესიებს საშინაო არენაზე ატარებდა.

ალვარო არბელოა ამ მიდგომას ცვლის და ამის შემდეგ გუნდი სტუმრად აუცილებლად ჩაატარებს დასკვნით სესიას, რათა უკეთ გაეცნოს მეტოქის მოედანს.

„რეალი“ ჩემპიონთა ლიგის მე-8 ტურში „ბენფიკას“ ესტუმრება, ფეხბურთელები კი წინა დღეს „ლა ლუჟზე“ დასკვნით ვარჯიშს გამართავენ.

არბელოას აზრით, ეს მიდგომა გაცილებით ეფექტურია, ვიდრე საშინაო ბაზაზე ვარჯიში და მოედანზე ისე გასვლა, რომ ზოგიერთ მოთამაშეს არენაზე ყოფნის საშუალება მანამდე არ ჰქონია.