ესპანური გამოცემების ცნობით, მადრიდის „რეალმა“ „ალ აჰლისგან“ კოლოსალური შეთავაზება მიიღო.

საუდის არაბეთის კლუბი მზად არის, ვინისიუს ჟუნიორის სანაცვლოდ ჯამურად 1 მილიარდი ევრო დააინვესტიროს. ეს თანხა მოიცავს სატრანსფერო ღირებულებას, რომელიც 250 მილიონია და 4 წლიანი კონტრაქტის ყველა გადასახადს, რომელიც წელიწადში 180 მილიონ ევრომდე მერყეობს.

„ალ აჰლის“ მესვეურები ყველაფერს გააკეთებენ სამხრეთ-ამერიკელის დასაყოლიებლად, „რეალისთვის“ შეთავაზებული 250 მილიონი კი მართლაც საკმაოდ მაღალი თანხაა.