მადრიდის „რეალის“ ფეხბურთელებმა ლა ლიგის მომდევნო ტურისთვის მზადება დაიწყეს.

გუნდი საწვრთნელ ბაზაზე შეიკრიბა და ერთდღიანი შესვენების შემდეგ ვარჯიში გამართა.

აღსანიშნავია, რომ გუნდთან ერთად დატვირთვა მიიღო როდრიგო გოეშმა, რომელიც ტრავმირებული იყო, განცალკევებული პროგრამით ვარჯიშობდა რაულ ასენსიო.

ინდივიდუალურად ემზადება ტრენტ ალექსანდერ არნოლდიც, თუმცა ის ჯერ მზად არ არის.

ანტონიო რუდიგერი კვლავ ტრავმირებულია და მისი თამაში არამხოლოდ „ვილიარეალთან“, არამედ „ბენფიკასთანაც“ საეჭვოა.

შეკრებაზე ალვარო არბელოამ დიდი ყურადღება დაუთმო ტაქტიკურ მონახაზებს, კარში დარტყმებს, მოკლე სივრცეში ზუსტ თამაშს და სტანდარტებს.

ასევე აღსანიშნავია, რომ ვარჯიშზე გამოცხადდა ბრაჰიმ დიასი, რომელიც აფრიკის თასზე იმყოფებოდა.