მიუხედავად მადრიდში არსებული არეულობისა და ბერნაბეუზე შეკრებილი ქომაგების აგრესიისა, მადრიდის „რეალი“ და ვინისიუს ჟუნიორი ახალ კონტრაქტზე საუბრობენ.

იანვრის ბოლომდე ბრაზილიელი ფეხბურთელის აგენტი „რეალის“ გენერალურ დირექტორს შეხვდება და საბოლოო დეტალებს შეათანხმებს.

არსებული ინფორმაციით, განწყობა ოპტიმისტურია  და კონტრაქტის განახლების დიდი შანსი არსებობს.

ვინი ამ ეტაპზე დიდი ზეწოლის ქვეშ იმყოფება, მაგრამ ცდილობს, რომ გარე შეტევები მოიგერიოს და სრული კონცენტრაცია გუნდზე გააკეთოს.

სამხრეთ-ამერიკელი შემტევი „მონაკოსთან“ შეხვედრაში სასტარტო შემადგენლობაში განიხილება, სადაც ქომაგებთან შეხვედრა კიდევ ერთხელ მოუწევს.