არბელოა:„სამწუხაროა, რომ ანჩელოტი „რეალის“ გასახდელში არ ჩამოვიდა“
ალვარო არბელოამ „მონაკოსთან“ დაპირისპირების წინ პრესკონფერენცია გამართა.
„ამ მატჩს უდიდეს მნიშვნელობას ვანიჭებთ, ვინაიდან 3 ქულის მოპოვება სტაბილურობის გარანტიას მოგვცემს. საშინაო არენაზე ვთამაშობთ და ეს შანსი უნდა გამოვიყენოთ. „ლევანტესთან“ გამარჯვების შემდეგ გუნდმა ხასიათი გამოისწორა, უფრო მოტივირებული გახდა და მეტი შესაძლებლობები დაგვანახა.“
„ვინისიუსი მრავალი წელია წერს ისტორიას, რომელიც „რეალთან“ ერთად წარმატებებს უკავშირდება. ბრაზილიელი ფეხბურთელი ამ გუნდის ერთგულია და ეს არაერთხელ დაამტკიცა. ჩვენ არ უნდა გვიწევდეს მისი ადვოკატირება, ვინაიდან საქმე გვაქვს მსოფლიო დონის წინახაზელზე, რომელმაც უკვე ძალიან ბევრი ტიტული მოიგო.“
„არაჩვეულებრივი ფეხბურთელები მყავს. ჩავარდნა ყველგან ფიქსირდება, მაგრამ ჩვენ წინ უნდა ვიყუროთ და ყველაფერი გავაკეთოთ სეზონის ბოლოს საუკეთესო შედეგების საჩვენებლად. მერწმუნეთ, კიდევ უფრო ძლიერი მოთამაშეები მყავს, ვიდრე მეგონა. ამ გუნდს არნახული რესურსი აქვს.“
„ჩვენ გვსურს ბერნაბეუზე შეკრებილი პუბლიკა, რომელიც მხარს დაგვიჭერს და არ დაგვისტვენს. ქომაგებს არ უნდა დაავიწყდეთ, რამხელა სიხარული მიანიჭა მათ ამ გუნდმა. ერთიანობით აუცილებლად ვაჩვენებთ პროგრესს.“
„კარლო ანჩელოტი ბერნაბეუზე? გულდაწყვეტილი ვარ, რომ ის გასახდელში არ ჩამოვიდა და ფეხბურთელები არ მოინახულა. იტალიელმა მადრიდულ გრანდში დიდი ეპოქა შექმნა, მისი ისტორია დაუვიწყარია.“
„ვინი ფანტასტიკური მოთამაშეა და სკამზე არ დაჯდება. ჩვენ არ გვაქვს იმის ფუფუნება, რომ ამხელა ნიჭი არ გამოვიყენოთ.“
„სტვენა ბრაზილიელის მიმართ? ქომაგებს შეუძლიათ ისე მოიქცნენ, როგორც უნდათ, თუმცა მერწმუნეთ, ვინისიუსი გუნდის ერთგულია და ყვირილი და სტვენა მასზე ვერ იმოქმედებს.“
- 19 იანვარი 2026
- 1 945
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
