ბრაჰიმ დიასის ფეერიული გამოსვლა აფრიკის თასზე კრახით დასრულდა. 

მადრიდის „რეალის“ ფეხბურთელმა სენეგალთან დაპირისპირების 98-ე წუთზე პენალტი ვერ გამოიყენა, რასაც მეტოქის გოლი მოყვა.

საბოლოო ჯამში სენეგალის ნაკრებმა 1:0 იმარჯვა და აფრიკის თასის გამარჯვებული გახდა.

ბრაჰიმ დიასმა მომხდარი ფაქტები ძალიან განიცადა, მის ემოციებს მართლაც საზღვარი არ ჰქონდა.

დაჯილდოების ცერემონიის მიმდინარეობისას, ჯანი ინფანტინომ ბრაჰიმს საუკეთესო ბომბარდირის ჯილდო გადასცა, თუმცა მადრიდის „რეალის“ ფეხბურთელი მძიმე ემოციურ მდგომარეობაში იყო.