ცნობილი გახდა იმ მსაჯის ვინაობა, რომელიც მადრიდის „რეალისა“ და „მონაკოს“ დაპირისპირებას მოემსახურება.

ეს ადამიანი ესპენ ესკაშია, რომელსაც „ბლანკოსის“ მონაწილეობით აქამდე მხოლოდ 2 მატჩი აქვს ნამსაჯი.

პირველი შეხვედრა ნორვეგიელმა არბიტრმა 2023/24 წლების სეზონში „იუნიონ ბერლინთან“ იმსაჯა, სადაც „რეალმა“ 1-0 იმარჯვა, ხოლო მეორე დაპირისპირება 2024/25 წლების სეზონში „ბრესტსა“ და „ბლანკოსს“ შორის შედგა, რომელიც მადრიდელებმა 0:3 მოიგეს.

შეგახსენებთ, მადრიდული გრანდი „მონაკოს“ სანტიაგო ბერნაბეუზე, 20 იანვარს მიიღებს.