„ალბასეტესთან“ მარცხით ყველა ძალიან გაბრაზებული იყო და მადრიდულ სამყაროს გამორჩა, რომ ვინისიუს ჟუნიორმა გუნდში 350-ე დაპირისპირება ჩაატარა.

საიუბილეო მატჩი მართლაც თვალშისაცემია, თანაც იმ ასაკში, რომელშიც ვინი იმყოფება. 350 დაპირისპირებაში ბრაზილიელის ანგარიშზე 112 გოლი და და 14 ტიტულია.

უკვე 8 სეზონია ვინი „რეალის“ ღირსებას იცავს, სადაც 224 გამარჯვება მოაგროვა. 

ჩატარებული 350 შეხვედრიდან 225 ლა ლიგაზე მოდის, 74 ჩემპიონთა ლიგაზე, 27 სამეფო თასზე, ხოლო დანარჩენი სხვადასხვა ტურნირზე.

გუნდი, რომლის წინააღმდეგაც ვინისიუსს ყველაზე მეტი მატჩი აქვს გამართული „ბარსელონა“ გახლავთ. მადრიდელი შემტევი პრინციპულ მეტოქეს 23-ჯერ შეხვდა.