ზინედინ ზიდანმა მადრიდის „რეალში“ დანიშვნის პირველი ეტაპები გაიხსენა და ალვარო არბელოას წარმატებები უსურვა.

„როდესაც კასტილიას მთავარი მწვრთნელი გავხდი, მთავარ გუნდში მოხვედრაზე ვოცნებობდი, მაგრამ ეს შორის პერსპექტივა იყო. სტარტი კარგი არ ყოფილა, რადგან მატჩები წავაგე. ბევრს ვფიქრობდი, რა უნდა შემეცვალა, თუმცა ეტაპობრივად ბევრი რამ კარგისკენ წავიდა.“

„ამ ყველაფრის შემდეგ ფლორენტინო პერესმა დამირეკა და მითხრა, რომ მთავარი გუნდი უნდა გამეწვრთნა. მაშინ ცოტა დავიბენი, თუმცა მივხვდი, რომ ისტორიული შანსი მეძლეოდა.“

„ძალიან ბევრს ვფიქრობდი ფეხბურთზე, ბაზაზე 9 საათზე მივდიოდი და ღამის 11 საათამდე მუდმივად შემოქმედებითი აქტივობა მქონდა.“

„როდესაც მთავარ გუნდში დავინიშნე, 4 ლიდერს შევხვდი და ვუთხარი, რომ მათი მჯეროდა. გუნდს არ ჰქონდა კარგი ფიზიკური კონდიცია, ვერც მენტალური მდგომარეობა იყო იდეალური. ყოველდღიურად ვმუშაობდით იმისთვის, რომ კოლექტივში ბედნიერება დაგვებრუნებინა და ჩვენ ეს შევძელით. სულ რაღაც თვენახევარში გუნდი მენტალურად ძალიან გაძლიერდა და ენთუზიაზმით აივსო. ყოველდღე ვმუშაობდი მრავალფეროვნებისთვის, სიახლის შემოსატანად და ასე შემდეგ. საბოლოო ჯამში, სეზონი გამარჯვებით დავასრულეთ და ჩემპიონთა ლიგის თასი აღვმართეთ, რაც საოცარი შეგრძნება იყო.“

„სტარტზე „ატლეტიკოს“ და „ბარსელონას“ დონის გუნდს ვერ დავამარცხებდით, მაგრამ სეზონის ბოლოს კატალონიელებსაც ვძლიეთ და როხიბკანკოსაც, რაც ჩვენთვის ძალიან დიდი სიხარულის მომგვრელი იყო.“

„ყოველთვის ვცდილობდი, ფეხბურთელისთვის ინდივიდუალური მნიშვნელობა ამეხსნა. გუნდმა ირწმუნა საკუთარი ძალები, რასაც მოყვა ჰეთ-თრიკი ჩემპიონთა ლიგაზე. ეს მართლაც საოცარი პერიოდი იყო.“

„არეულობა „რეალში“? ჩაბი უდავოდ უდიდესი მწვრთნელია, მან იცის, ყველა ფეხბურთელის მნიშვნელობა. სამწუხაროდ, ესპანელის ეპოქა დასრულდა და ახლა ასპარეზზე ალვარო არბელოა გამოვიდა. ესპანელს დიდ წარმატებას ვუსურვებ, ისიც იანვარში მოვიდა.“

„პირველი მატჩის ჩავარდნა არბელოას ბრალი არ არის, მის შესაძლებლობებზე სეზონის ბოლოს უნდა გაკეთდეს ანალიზი.“