ესპანური გამოცემების ცნობით, სამეფო კლუბის ხელმძღვანელობა გუშინ იურგენ კლოპს შეხვდა. გერმანელ სპეციალისტთან მოლაპარაკებები დაიწყო.

იურგენი სამწვრთნელო საქმიანობაში დაბრუნებას განიხილავს, თუმცა ამისთვის „რეალისგან“ მყარი გარანტიები სჭირდება.

ფლორენტინო პერესი მზად არის, არაერთ დათმობაზე წავიდეს იმისთვის, რომ კლოპმა გუნდი ჩაიბაროს და გრძელვადიანი პერსპექტივა დასახოს.

პირველ ეტაპზე „რეალი“ იურგენს 3 წლიან ხელშეკრულებას შესთავაზებს, სადაც ასევე გარანტირებული იქნება გადაწყვეტილებებში ჩაურევლობა და სატრანსფერო უზრუნველყოფა.

არსებული ინფორმაციით, მარტის ბოლომდე გერმანელ სპეციალისტს ფლორენტინო პერესი პირადად შეხვდება.

იურგენმა მადრიდულ მხარეს დაუდასტურა, რომ წინადადება საინტერესოა და დამუშავებას საჭიროებს.