კლოპი, ჰალანდი და სუპერ ნახევარმცველები - 450 მილიონი ტრანსფერებისთვის!
არაერთი ესპანური გამოცემა იუწყება, რომ მადრიდის „რეალი“ 2026 წლის ზაფხულში რეკორდს დაამყარებს და ისტორიაში ყველაზე ძვირადღირებული სატრანსფერო აქტივობები ექნება.
იურგენ კლოპი კლუბისთვის საოცნებო სპეციალისტია, ფლორენტინო პერესი კი გერმანელის მოხიბვლას სუპერ ტრანსფერებით აპირებს, ნომერ პირველ კანდიდატად კი ერლინგ ჰალანდი სახელდება.
ნორვეგიელი თავდამსხმელის სანაცვლოდ მადრიდელები 200 მილიონი ევროს გაღებას აპირებენ. ეს იქნება ყველაზე ძვირადღირებული ტრანსფერი სამეფო კლუბის ისტორიაში.
გარდა ამისა, ფლორენტინო პერესი მინიმუმ 1 ცენტრალური მცველის დამატებას ეცდება, რომელიც საკმაოდ მაღალი კლასის იქნება. ასევე დაგეგმილია ნახევარდაცვის სოლიდური გაძლიერება ფეხბურთელებით, რომლებსაც უკვე კარგი გამოცდილება აქვთ.
საერთო ჯამში პერესი სატრანსფერო ბიუჯეტად 450 მილიონ ევროს განიხილავს, რაც საკმაოდ დიდი თანხაა იმისთვის, რომ გუნდი გაძლიერდეს.
- 16 იანვარი 2026
- 3 393
- 11
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.




