რაფაელ ბენიტესი ალვარო არბელოას დიდი ხნის მეგობარი და ყოფილი დამრიგებელია. ესპანელმა სპეციალისტმა „რეალში“ არსებულ ცვლილებებზე ისაუბრა.

„არბელოას შეფასება ნაადრევია, ის მაღალ ასპარეზზე ახლა გამოვიდა, აქამდე კი ახალგაზრდებთან მუშაობდა.“

„შედეგები მას შემდეგ უნდა შეფასდეს, როდესაც გამოიკვეთება კონტურები და გვეცოდინება, რა სტილში ათამაშებს ის სამეფო კლუბს.“

„ალვარო ყოველთვის მოტივირებული სპორტსმენი იყო და ბოლომდე იხარჯებოდა. როგორც „ლივერპულისთვის“, ასევე „ბლანკოსისთვის“ არბელოა ყოველთვის პატივსაცემ ფიგურად ითვლებოდა.“

„მსურს, წარმატებები ვუსურვო ჩემს ყოფილ შეგირდს.“