„ას“-ის ინფორმაციით, ვინისიუს ჟუნიორი მადრიდის „რეალთან“ კონტრაქტის განახლებასთან ახლოს არის.

ბრაზილიელი ფეხბურთელი ახლა ინტენსიურ მოლაპარაკებებშია და მაღალი ალბათობით, მალე მოაწერს ხელს ახალ ხელშეკრულებას, რომელიც 2030 წლის 30 ივნისამდე იქნება ძალაში.

ვინისიუსის მოქმედი კონტრაქტი 2027 წლის 30 ივნისს იწურება.

ასევე ვრცელდება ინფორმაცია, რომლის მიხედვითაც, ახალი კონტრაქტის პირობებში, სამხრეთ-ამერიკელის ხელფასიც გაუმჯობესდება, თუმცა ვინი იმ პირობებს მიიღებს, რაც აქამდე გუნდს ჰქონდა წამოყენებული.