არბელოა:„ვინც „რეალში“ თამაშობს, ყველას საუკეთესო პერიოდი აქვს“
ალვარო არბელოამ „რეალის“ მწვრთნელის რანგში პირველი პრესკონფერენცია გამართა.
„ჩემი ოცნება ახდა, შანსი მივიღე, რომელიც აუცილებლად უნდა გამოვიყენო. „რეალის“ სადარაჯოზე დგომა ჩემთვის დიდი პატივია და მასშტაბური სამუშაოების ჩატარებას ვგეგმავ.“
„ჩაბისთან საუბარი? ეს ჩვენს შორის დარჩება, პრობლემები დეტალურად განვიხილეთ.“
„ჩემი და ალონსოს ურთიერთობა კვლავ მეგობრული რჩება. მისგან ბევრი ვისწავლე, ერთად ბევრი რამ გვაქვს გავლილი და დარწმუნებული ვარ, ყოველთვის კარგი მეგობრობა გვექნება.“
„„რეალი“ ჩემი სახლია. 20 წელია აქ ვარ. ვთამაშობდი ასაკობრივ გუნდებში, მთავარ გუნდში, ვწვრთნიდი ახალგაზრდებს, ახლა კი აქ ვარ. გუნდის სათავეში იქამდე დავრჩები, სანამ ხელმძღვანელობა გადაწყვეტს.“
„„რეალს“ არასდროს აკლდა ბრძოლისუნარიანობა. როგორც „ატლეტიკოსთან“, ასევე „ბარსელონასთან“, მებრძოლი გუნდი ვიხილეთ. მთავარი მუშაობა ეფექტური იყოს და შედეგებზე გავიდეთ. არაერთ ცვლილებას ვგეგმავ, თუმცა ეს ეტაპობრივად უნდა განხორციელდეს.“
„ვინც „რეალში“ თამაშობს, ყველას ცხოვრების საუკეთესო პერიოდი აქვს. ეს ვარჯიშზე ფეხბურთელებსაც ვუთხარი. აქ არ არის ეგოების ბრძოლის დრო, აქ გამარჯვების და ბოძებული შანსის გამოყენების დროა.“
„ამ სამკერდე ნიშნის ტარება ყველაზე კარგი რამ არის, რაც კი შეიძლება განიცადო.“
„ტიტულებზე უნდა ვიფიქროთ. საკმაოდ კარგი შანსი გვაქვს იმის, რომ მაისში არაერთი თასი აღვმართოთ, ამისთვის ყველაფერს ვიღონებთ.“
„„რეალის“ ისტორია 120 წელზე მეტს მოითვლის. ამ გუნდში ყოველთვის იყო აღმასვლა და დაღმასვლა, მაგრამ პირველობა არასდროს დაკარგულა. ასე იქნება ახლაც. პრობლემები უკან მორჩება, ჩვენ მაქსიმალური შედეგების მისაღწევად ვიბრძოლებთ.“
„ეჭვი არ მეპარება, ჩაბი ალონსო სამწვრთნელო ასპარეზზე დიდ შედეგებს მიაღწევს, რადგან ძალიან ჭკვიანი სპეციალისტია.“
„ჩემთვის „რეალის“ აკადემია მსოფლიოში ყველაზე ეფექტურია და ამას დავამტკიცებ. არაერთ ახალგაზრდას მიეცემა შანსი, რადგან კარგად ვიცნობ, მათ შესაძლებლობებს და შემართებას.“
„ჟოზე მოურინიოსთან კომუნიკაცია არ მქონია. არაერთხელ მითქვამს, რომ პორტუგალიელი სპეციალისტი ჩემთვის ბევრს ნიშნავდა, ის საოცარ მენტალობას ფლობს.“
„არ ვეცდები, რომ ჟოზე ვიყო. ფეხბურთი ჩემი სტილის დამკვიდრება მინდა. ყველას გაჩვენებთ, რა ფილოსოფიის მიმდევარი ვარ. მსურს, რომ „რეალი“ ყველაზე წარმატებული გავხადო.“
„ანტონიო პინტუსი აუცილებლად იქნება ჩემს შტაბში. არ დაგავიწყდეთ, რომ ის ჩემპიონთა ლიგის ხუთგზის გამარჯვებულია. პინტუსის მეთოდები ყოველთვის საოცარი იყო, ის საოცარი პროფესიონალია.“
„ლა ლიგის მსაჯები? როგორ გითხრათ შეფასება, როდესაც ამ ტურნირზე მწვრთნელის რანგში 1 მატჩიც არ ვყოფილვარ?!“
„რეალის“ მენტალიტეტი ყოველთვის უკავშირდებოდა გამარჯვებას, გამარჯვებას და ისევ გამარჯვებას. აქ არასდროს არაფერი იცვლება. ყოველი დღე გამარჯვების არის.“
„ენთუზიაზმთ სავსეები ვართ. ახალგაზრდებს შანსი უნდა მივცეთ და მოვახდინოთ ბრწყინვალე კოლაბორაცია გამოცდილ ფეხბურთელებთან. ჩვენ საკმაოდ ბევრს ვიმუშავებთ.“
„სიტუაცია გასახდელში? ყველაფერს გავაკეთებთ, მაქსიმალურად იდეალური ურთიერთობებისთვის. ერთმანეთის სიყვარული და პატივისცემა გუნდურ წარმატებას განაპირობებს.“
„ყველაფერი ნულიდან იწყება. ჩვენ ვხვდებით, რომ შუა სეზონში ვართ, მაგრამ თანმიმდევრულად, სწორი მიდგომებით, ყველაფერს თავიდან დავიწყებთ და მივალთ მწვერვალამდე.“
- 13 იანვარი 2026
- 4 248
- 31
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
