გუტი:„ალონსოს სიმშვიდე სჭირდებოდა“
ხოსე მარია გუტიერესმა მადრიდის „რეალში“ განვითარებული მოვლენები მიმოიხილა.
„მე ფეხბურთელი ვიყავი და სამწვრთნელო საქმიანობითაც დავკავდი. შემიძლია დაბიჯითებით გითხრათ, რომ მწვრთნელის შუა სეზონში შეცვლა საუკეთესო შედეგების მომტანი არ არის, ვინაიდან არ არსებობს პრე-სეზონი, წნეხი იზრდება, მოთამაშეები ახალ მიდგომებს ეჩვევიან და ასე შემდეგ. ყოველივე ზემოაღნიშნული გუნდისთვის დამატებითი სტრესის მიმცემია.“
„ალბათ გამახსენებთ ზინედინ ზიდანის დანიშვნას, თუმცა ეს ერთეული შემთხვევებია. ზიზუს მოსვლამ გუნდზე დადებითად იმოქმედა და „რეალმა“ საოცარი ეპოქა შექმნა.“
„ზიზუ კასტილიელი იყო, ის უდიდეს გამოწვევებს შეეჭიდა, მაგრამ საბოლოოდ შედეგი დადო. იგივე სიტუაციაშია არბელოაც, თუმცა მას ბევრი ტრავმირებული ფეხბურთელი ჰყავს, რაც დამატებით პრობლემებს იწვევს.“
„მე, როგორც „რეალის“ გულშემატკივარს, დიდი იმედი მაქვს იმისა, რომ არბელოას შედეგები საოცარი იქნება და გუნდი ტიტულებს მოიგებს.“
„ის, რომ ჩაბი ალონსოს გასახდელში სიტუაცია დარეგულირებული არ იყო, შედეგებზე აისახებოდა, რაც ძალიან სამწუხაროა. ჩემი აზრით, ჩაბის შესაძლებლობების გამოყენება სამეფო კლუბს უკეთესად შეეძლო.“
„ჩვენ არ გვინახავს ბასკი სპეციალისტის შესაძლებლობების 100%. ამისთვის ჩაბის დრო სჭირდებოდა, რომელიც სამწუხაროდ ვერ მიიღო. დარწმუნებული ვარ, ალონსო კიდევ არაერთ კლუბს ჩაიბარებს და დიდ წარმატებებს მიაღწევს.“
„სიმშვიდე აუცილებელი კომპონენტია ყველა მწვრთნელისთვის, გამონაკლისი ვერც ჩაბი იქნებოდა.“
- დღეს, 13:47
- 666
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
