ჯუდ ბელინგემი მადრიდის „რეალში“ უკვე მესამე სეზონს ატარებს. ინგლისელ ფეხბურთელს „რეალთან“ არსებული კონტრაქტი 2029 წლამდე აკავშირებს.

მიუხედავად ამისა, სამეფო კლუბს სურს, რომ კონტრაქტის ვადის ნახევრის გასვლის შემდეგ, 2026 წლის ზაფხულში, ხელშეკრულება გადაიხედოს და გახანგრძლივდეს.

სამეფო კლუბის მიზანი, ჯუდთან ახალი ხელშეკრულების გაფორმება იქნება, რომელსაც ვადა 2032 წლის 30 ივნისს ამოეწურება.

„მარკას“ ცნობით, მხარეები ხელფასის გაზრდაზეც იმსჯელებენ, ზრდა კი დაახლოებით 15%-ის ფარგლებში იმერყევებს.

ფლორენტინო პერესის აზრით, ბელინგემს ყველაზე წარმატებული წლები წინ აქვს, ის მხოლოდ 22 წლის არის და განვითარების ძალიან დიდ პერსპექტივას ფლობს.