ფლიკი:„მსოფლიოს საუკეთესო ფორვარდი „რეალში“ თამაშობს“
ჰანსი ფლიკი „რეალთან“ მატჩის წინ ჟურნალისტებს შეხვდა და პრესკონფერენცია გამართა.
„იმისთვის, რომ წარმატების მიღწევა შევძლოთ, აუცილებელია გუნდური სულისკვეთების გაზიარება. ფინალი რა თქმა უნდა, ამაღელვებელია, „ელ კლასიკო“ კი ამ ფინალს კიდევ უფრო მიმზიდველს და საინტერესოს ხდის.“
„ფინალში გამარჯვება სასიამოვნო იქნება, „რეალის“ დამარცხება კი თავდაჯერებულობას შეგვმატებს, რაც ასევე ძალიან მნიშვნელოვანია.“
„ჩვენ ვითავისებთ, რომ ჩაბი ალონსოს განკარგულებაში მსოფლიო დონის ვარსკვლავები არიან და მათთან ბრძოლა მარტივი არ არის, სწორედ ამიტომ, განსაკუთრებული ყურადღებით თამაში გვმართებს.“
„მბაპე მსოფლიო დონის მოთამაშეა, ამ დროისთვის „რეალს“ ჰყავს მსოფლიოს საუკეთესო ფორვარდი. ის, რომ ფრანგი „ატლეტიკოსთან“ არ იყო, „რეალისთვის“ დიდ დანაკლისად შეგვიძლია მივიჩნიოთ.“
„ერიკი თუ დე იონგი? სიტუაციას საღამოს შევაფასებ, მოედანზე გასვლა ორივეს შეუძლია.“
„შურისძიებაზე არ ვფიქრობ. ეს არ იქნება სწორი შეფასება. მთავარი გუნდი იყოს მოტივირებული, რაც ფინალისტებს არ აკლიათ.“
„ვარჯიში პენალტების სერიაზე? ამას ყოველთვის ვაკეთებთ, მითუმეტეს მაშინ, როდესაც ალბათობა არსებობს.“
„„ბარსელონა“ სტილს არ შეიცვლის. ის, რომ ალონსოს მბაპე ემატება, არაფერს ცვლის. მბაპესთან ერთად „ბლანკოსი“ არაერთხელ დაგვიმარცხებია, შესაბამისად, კონკრეტული გეგმები არ გვექნება. როგორც გითხარით, ჩვენ გუნდურად უნდა გავიმარჯვოთ.“
„იამალი თამაშისთვის მზად არის. სასტარტო შემადგენლობაზე გადაწყვეტილება ჯერ არ მიმიღია, ამას ვარჯიშის შემდეგ გადავწყვეტ.“
- 10 იანვარი 2026
- 4 861
- 25
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
