კურტუა:„ამ დონეს კიდევ დიდხანს შევინარჩუნებ“
ტიბო კურტუამ მადრიდული დერბის შემდეგ კომენტარი გააკეთა.
„ჩემთვის ძალიან მნიშვნელოვანი მატჩი მოვიგეთ. არავის დავიწყებია მარცხი, რომელიც რამდენიმე თვის წინ განვიცადეთ. მაშინ ძლიერი ტკივილი მოგვაყენა გარემოებამ, რომელიც არ გვეპატიებოდა. ახლა ბევრი ვიშრომეთ, ვიბრძოლეთ და სასურველი შედეგი დავაფიქსირეთ. სუპერთასის ფინალში „რეალი“ გავიდა, მე კი ძალიან ბედნიერი ვარ იმით, რომ ჩემი წვლილი შევიტანე წარმატებაში.“
„ფედერიკო ვალვერდეს გოლი გიჟური იყო, ეს ბურთი რობერტო კარლოსს მივუძღვენით, რომელიც ბრაზილიაში იმყოფება. ურუგვაელისგან მსგავსი დარტყმები არავის უკვირს, თუმცა ეს გოლი განსაკუთრებული იყო.“
„თავს შესანიშნავად ვგრძნობ და ძალიან ბევრს ვმუშაობ ამ დონის შესანარჩუნებლად. ორი წლის წინ ჯვარედინი იოგის დაზიანების შემდეგ ბევრი ეჭვი იყო, მაგრამ მიხარია, რომ ვაჩვენე, რომ ეს მხოლოდ დროებითი წარუმატებლობა იყო და არაფერს ნიშნავს. ძალიან მიხარია, რომ ისევ ამ დონეზე ვთამაშობ და იმედი მაქვს, კვირას გუნდს დავეხმარები.“
„„ბარსელონამ“ ბოლო „ელ კლასიკო“ წააგო, ახლა ისინი შურისძიებას ეცდებიან, მაგრამ ჩვენც წავაგეთ მათთან, შესაბამისად, ახლა გამარჯვება გვმართებს. მადრიდში გამარჯვებულები უნდა დავბრუნდეთ.“
- 9 იანვარი 2026
- 1 255
- 11
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
