ჩაბი ალონსო:„ჩოლო სიმეონეს ქცევას ამ სიტყვებით შევაფასებდი“
ჩაბი ალონსომ მადრიდული დერბის მოგებისა და ესპანეთის სუპერთასის ფინალში გასვლის შემდეგ პრესკონფერენცია გამართა.
„ძალიან რთული მატჩი იყო, დიდი ენერგია დავხარჯეთ, თუმცა მთავარი მიზანი შესრულებულია და გუნდი ფინალში გავიდა.“
„ხაზებს შორის პასები ძალიან ეფექტური იყო, გუნდი ბევრს მოძრაობდა და პრესინგზე ეფექტურად მიდიოდა.“
„პირველივე წუთებში გატანილმა გოლმა თვითდაჯერება შეგვმატა, ეს მნიშვნელოვანი იყო, თუმცა გარკვეულ მომენტებში ყურადღება მოვადუნეთ.“
„კილიან მბაპე გუნდს შემოუერთდება, მან შესაძლოა ფინალში მონაწილეობა მიიღოს. ფრანგი ფეხბურთელის სახით უდიდეს რესურსს შევიძენთ.“
„„ბარსელონა“ ერთხელ უკვე დავამარცხეთ, ახლა სხვა ფორმატში ვართ და ვეცდებით, მორიგი გამარჯვება მოვიპოვოთ.“
„ფედე ვალვერდეს გატანილი გოლი უფრო მეტ თავდაჯერებულობას შემატებს, ის ნამდვილი მადრიდისტაა და ხასიათს აჩვენებს. ურუგვაელს ფანტასტიკური მატჩი ჰქონდა.“
„რუდიგერმა მატჩის დასრულება ვერ შეძლო, რადგან ისედაც არ იყო 100%-ით მზად. სამწუხაროდ, გერმანელის შეცვლა მომიწია, ვინაიდან დაცვაში მეტი ენერგიულობა გვმართებდა. ჯერ არ ვიცი, მოასწრებს თუ არა გერმანელი რეაბილიტაციის გავლას და „ელ კლასიკოში“ მონაწილეობის მიღებას, მან ძალიან ბევრი იშრომა.“
„დიეგო სიმეონეს საქციელი და სიტყვები ვინისიუსის მიმართ, სპორტულ მორალს ცდება. რა თქმა უნდა, არ მომეწონა ეს ფაქტი და მივიჩნევ, რომ სამაგალითო ნამდვილად არ ყოფილა. ყოველთვის ვცდილობ, მეტოქე გუნდის ფეხბურთელის მიმართ პატივისცემა დავაფიქსირო. რბილად რომ ვთქვათ, ჩოლოს საქციელი სპორტული ზნეობის კარგი მაგალითი არ არის.“
„„ელ კლასიკო“ რა თქმა უნდა ურთულესი იქნება, მაგრამ ვალდებულები ვართ, მოვიგოთ და ესპანეთში სუპერთასით დავბრუნდეთ.“
„ვიცით, რომ „ბარსელონა“ შესანიშნავ ფორმაშია, მაგრამ ჩვენ შეგვიძლია კიდევ უფრო მაღალი ხარისხის ფეხბურთის ჩვენება და გამარჯვება.“
- 9 იანვარი 2026
- 3 955
- 12
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
