როდრიგო:„ეს დიდი გამარჯვება იყო, ახლა „ბარსა“ უნდა დავამარცხოთ“
როდრიგო გოეშმა „ატლეტიკოსთან“ დაპირისპირების შემდეგ კომენტარი გააკეთა.
„როგორც ბურთით, ასევე უბურთოდ შესანიშნავად ვითამაშეთ და გამარჯვება დავიმსახურეთ. ასეთი ტიპის მატჩებში აუცილებელია ბოლომდე ბრძოლა. დღეს „რეალის“ ყველა გუ₾შემატკივარი ბედნიერია.“
„გოლის გატანა რა თქმა უნდა, ძალიან სასიხარულო იყო. მწვრთნელმა რამდენჯერმე შემაცვლევინა პოზიცია. ვცდილობდი, ძალიან მობილური ვყოფილიყავი.“
„თუ გოლს ვიტან გუნდს ვეხმარები, იგივე შემიძლია ვთქვა ასისტებზეც, მაგრამ ხშირ მოძრაობას, ინტენსივობას და პროდუქტიულობასაც დიდი მნიშვნელობა აქვს. სასტარტო შემადგენლობაში თამაშის საშუალება მეძლევა, ეს კი ჩემთვის ძალიან მნიშვნელოვანია. ბრუნდება ხარისხი და ბრუნდება ნდობაც, ეს ყველაფერი კი ძალიან მაძლიერებს.“
„ფინალი „ბარსელონას“ წინააღმდეგ ძალიან ემოციური და რთული იქნება, თუმცა ჩვენ მზად ვართ მოსაგებად და თასის მოსაპოვებლად.“
„ფედე ვალვერდეს საოცარი დარტყმა აქვს, ის თითო მატჩში მინიმუმ 10 შორეულ დარტყმას უნდა ახორციელებდეს. ურუგვაელის საჯარიმომ რობერტო კარლოსის ლეგენდარული გოლი გამახსენა.“
- გუშინ, 11:44
- 647
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
