დაიო უპამეკანომ მიუნხენის „ბაიერნს“ ახალ კონტრაქტზე უარი არაერთხელ უთხრა, მაგრამ ბოლო შეთავაზება განხილვას დაუქვემდებარა.

როგორც ჩანს, „რეკორდმაისტერს“ ფრანგი მცველის შენარჩუნება ძალიან სურს და ამისთვის მზად არის, წლიური ხელფასი მნიშვნელოვნად გაზარდოს.

უპამეკანოს განსახილველად უდევს წინადება, რომელიც ბონუსების ჩათვლით წელიწადში დაახლოებით 20 მილიონიან ანაზღაურებას ითვალისწინებს, ეს კი საკმაოდ მიმზიდველი წინადადება იმ ფონზე, როდესაც „რეალი“ მას 10 მილიონამდე სთავაზობს.

„მარკას“ ინფორმაციით, უახლოეს კვირებში დაიოს მომავალი აუცილებლად გაირკვევა და თუ ის „ბაიერნთან“ ახალ კონტრაქტს მოაწერს ხელს, ფლორენტინო პერესი ალტერნატიული კანდიდატების მიმართულებით მუშაობას განაახლებს.