ესპანური გამოცემების ცნობით, ფლორენტინო პერესი სამეფო კლუბის ფეხბურთელების ტრავმიანობის შეშფოთებულია.

95 ტრავმა 2 წელიწადში. სწორედ ეს არის შედეგი, რომელმაც პრეზიდენტი სერიოზულად დააფიქრა და სერიოზული ცვლილებებისკენ უბიძგა.

ფლორენტინო აპირებს, რომ სამედიცინო მიმართულებით თვისობრივი ცვლილებები განახორციელოს.

ის, რომ მიჰიჩი გუნდის სამედიცინო შტაბში დაბრუნდა უკვე ცნობილია, ფიზ.მომზადების მიმართულებით კვლავ დაწინაურდება ანტონიო პინტუსი, მაგრამ ეს არ იქნება საბოლოო ნაბიჯები, ვინაიდან „რეალი“ კიდევ აპირებს დამატებით გაძლიერებას.

ანალიტიკოსები მომდევნო თვეებში სპეციალურ დასკვნას მოამზადებენ, რის მიხედვითაც, სამეფო კლუბი იხელმძღვანელებს და ფიზ.მომზადების მიმართულებით მომდევნო 3 წლის გეგმას შეიმუშავებს.

პერესი თვლის, რომ საშუალო და გრძელვადიანი სტრატეგიების გარეშე, აღნიშნული მიმართულება ვეღარ განვითარდება და „რეალის“ ფეხბურთელების მიერ ბოლო წლებში ნაჩვენები შედეგები არ არის სახარბიელო.