ვინისიუსი „ჩელსიში“ - თანხა გამზადებულია!
ბრიტანული გამოცემების ცნობით, ლონდონის „ჩელსი“ ისტორიული ტრანსფერის განხორციელებაზე მუშაობს.
„არისტოკრატები“ მზად არიან, პირადი რეკორდი დაამხონ და ვინისიუს ჟუნიორის სანაცვლოდ კოლოსალური თანხა გადაიხადონ, რაც პირველ ეტაპზე 160 მილიონ ევროს შეადგენს, თუმცა ეს ყველაფერი არ არის.
კონტრაქტის ვადად „ჩელსი“ 5 წელიწადს განიხილავს, სადაც პრემიერლიგის ყოველი მოგებისთვის ლონდონური გრანდი მზად არის, „რეალს“ დამატებით 6 მილიონი ევრო გადაუხადოს.
ამასთან ერთად ცნობილი ხდება, რომ „ჩელსი“ ერთჯერადად 30 მილიონს გადაუხდის სამეფო კლუბს, თუ ვინისიუსის პირველი კონტრაქტის ფარგლებში ჩემპიონთა ლიგის მოგებას შეძლებს.
გამოდის, რომ „რეალმა“ მართლაც ძალიან მაცდური წინადადება მიიღო.
თუ ბრაზილიელი ახალ კონტრაქტს ხელს არ მოაწერს, „ჩელსის“ წინადადება ფლორენტინო პერესისთვის ყველა ვარიანტში საინტერესო უნდა გამოდგეს.
- 6 იანვარი 2026
- 3 528
- 11
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
