მანუელ პელეგრინიმ „რეალთან“ მარცხის შემდეგ პრესკონფერენცია გამართა, სადაც „ბლანკოსის“ მოთამაშეები შეაქო.

„მადრიდის „რეალი“ ყველაზე არაპროგნოზირებადი გუნდია, მითუმეტეს მაშინ, როდესაც შეხვედრა სანტიაგო ბერნაბეუზე ტარდება.“

„ჩვენ ყველაფერი გავაკეთეთ მატჩში დასაბრუნებლად, მაგრამ არაფერი გამოგვივიდა, ვინაიდან ჩაბი ალონსოს გუნდს აბსოლუტური დომინაცია ჰქონდა. ეს არ იყო ჩვენი საღამო.“

„მადრიდულ გრანდს აკლდა კილიან მბაპე, დამეთანხმებით, ის ძალიან დიდი ძალაა, მაგრამ კილიანის ნაცვლად მოედანზე გონსალო შევიდა და ჰეთ-თრიკი მიითვალა.“

„გარსიას სახით „მერენგებს“ ამომავალი ვარსკვლავი ჰყავთ, ის ძალიან მაღალი კლასის ფეხბურთს თამაშობს და კარგი საშემსრულებლო ოსტატობა აქვს.“

„სატურნირო თვალსაზრისით ამ მატჩის წაგებამ პრობლემები შეგვიქმნა, მაგრამ მომდევნო ტურებში სტაბილური შედეგების ჩვენებას ვაპირებთ.“