„ნეგრეირას საქმე“ ეტაპობრივად დასასრულს უახლოვდება, კატალონიის „ბარსელონას“ კი შესაძლოა ძალიან სერიოზული პრობლემები შეექმნას.

იმ შემთხვევაში, თუ სამეფო კლუბი საქმეს ბოლომდე მიიყვანს, ყველაზე დიდ კომპენსაციას მოითხოვს, რომლის ჯამური ოდენობა 500 მილიონი ევრო იქნება.

ფლორენტინო პერესი ამტკიცებს, რომ ამ სკანდალური საქმიდან ყველაზე მეტად მადრიდული გრანდი დაზარალდა, სწორედ ამიტომ, სხვებთან შედარებით ეს გუნდი ყველაზე მეტ კომპენსაციას მოითხოვს და ამისთვის შესაბამისი არგუმენტებიც ექნება.

მადრიდული გამოცემების ცნობით, პერესი ამ საქმეს უდიდეს ყურადღებას უთმობს, ვინაიდან იცის, რომ გამარჯვების შემთხვევაში, საშუალოვადიან პერსპექტივაში დიდ თანხას მიიღებს, რომელსაც ტრანსფერებს მოახმარს.