იტალიური გამოცემების ცნობით, ტურინის „იუვენტუსი“ გონსალო გარსიას იჯარით არის დაინტერესებული.

„ბებერი ქალბატონის“ ხელმძღვანელობა მზადაა, განიხილოს როგორც 6 თვიანი ხელშეკრულება, ასევე 18 თვიანი, ასევე 4 წლიანი კონტრაქტი, სადაც მომდევნო 2 წელიწადში „რეალს“ ესპანელის უკან დაბრუნების საშუალება ექნება.

ტურინელები გონსალოში დიდ პერსპექტივას ხედავენ და მადრიდელებთან მოლაპარაკებების წარმატებით დასრულების იმედი აქვთ.

იმ ფონზე, რომ გუნდი უკვე დატოვა ენდრიკ ფელიპემ, გონსალოს გაშვება ნაკლებსავარაუდოა, თუმცა „რეალს“ გადაჭრით პასუხი ჯერ არ უთქვამს.