ესპანური გამოცემების ცნობით, მიმდინარე სეზონის ბოლოს გუნდს გონსალო გარსიაც დატოვებს.

სამეფო კლუბში მიაჩნიათ, რომ არსებული კონკურენციის ფონზე, ნიჭიერი კანტერანო ვერ შეძლებს განვითარების გზაზე წარმატებით სიარულს.

გონსალო იჯარით წავა ისეთ კლუბში, სადაც შესაბამის გამოცდილებას მიიღებს, ხოლო შემდეგ „ბლანკოსში“ დაბრუნების შანსი ექნება.

არსებული ინფორმაციით, გარსიას მომავალი კლუბი ინგლისური იქნება და ის პრემიერლიგაში მოსინჯავს ძალებს.

ჯერ კიდევ 3-4 კვირის წინ ვრცელდებოდა ინფორმაცია, რომლის მიხედვითაც, გონსალოს დამატებით პრემიერლიგის 4 კლუბი ინტერესდება.