მარსელო:„ჟოზეს როლი ჩემ ცხოვრებაში უდიდესი იყო“
მარსელო ვიეირამ ჟოზე მოურინიოს ეპოქა გაიხსენა.
„ჟოზე მოურინიო ნამდვილად არის „განსაკუთრებული“, მან „რეალისგან“ შექმნა გუნდი, რომელიც ახერხებდა და 3-4 პასის შემდეგ მეტოქის კარს იღებდა. ეს იყო სრულიად უნიკალური, უსწრაფესი შეტევა, რომელსაც გუნდი ახორციელებდა.“
„იმ ეპოქაში „რეალი“ კონტრ-შეტევაზე ყველაზე სწრაფად და ეფექტურად თამაშობდა, რაც გატანილი გოლების რაოდენობაშიც იკვეთებოდა.“
„ერთხელ ჟოზე მოვიდა ჩემთან და მკითხა, რა პოზიციაზე ვთამაშობდი, ვუპასუხე, რომ მარცხენა მცველი გახლდით, თუმცა მან ამიხსნა, რომ დაცვაში თამაში არ ვიცოდი და თუ მინდოდა ტოპ კლასის ფეხბურთელად ჩამოყალიბება, ამ ასპექტზე უნდა მემუშავა.“
„ჟოზესთან ბევრჯერ მისაუბრია ბრაზილიის ნაკრებზე და იქაურ კონკურენციაზეც, მესიჯი მაშინაც იგივე გახლდათ, პორტუგალიელი მეუბნებოდა, რომ დაცვაში უკეთ თამაში მმართებდა.“
„მოურინიოს რჩევების გათვალისწინების შემდეგ, სულ სხვა სტილის ფეხბურთელი გავხდი, რომელიც რა თქმა უნდა, მიდიოდა შეტევებში, მაგრამ ხშირად თამაშობდა ტაქტიკურად სწორად და დაცვას პრობლემებს აღარ უქმნიდა.“
- 27 დეკემბერი 2025
- 823
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
