ჩაბი ალონსომ „სევილიას“ დამარცხების შემდეგ პრესკონფერენცია გამართა.

„2025 წლის ბოლო მატჩი წარმატებით დავასრულეთ. მიუხედავად იმისა, რომ ტრავმებისა და დისკვალიფიკაციების გამო მოთამაშეები გვაკლდა, 3 ქულა ჩავიწერეთ აქტივში. ახლა დრო ჩვენზე მუშაობს. დარწმუნებული ვარ, საშობაო შესვენება ყველა ფეხბურთელზე უკეთესად იმოქმედებს, ვინაიდან მათ რელაქსაციის საშუალება მიეცემათ.“

„ახალი წელი ახალი იდეებით და შემართებით უნდა დავიწყოთ. მადრიდის „რეალის“ მიზანი ამ სეზონის საუკეთესო შედეგებით დასრულება იქნება და ჩვენ ამისთვის ყველაფერს გავაკეთებთ.“

„სტვენა ვინისიუსის მიმართ? არ ვფიქრობ, რომ ეს სწორი საქციელი იყო, მაგრამ ყველას თავისი აზრი აქვს. ბრაზილიელი მოთამაშე ძალიან ბევრს აქტიურობდა.“

„ჩვენ ვიცით სად ვართ და ისიც ვიცით, სად უნდა წავიდეთ. გუნდს აქვს მკაფიო გეგმა, რომელსაც არ გადაუხვევს.“

„ვერ გეტყვით, რომ ნაჩვენები ფეხბურთით კმაყოფილი ვარ. გვჭირდება მეტი ვერტიკალურობა, შეტევაში სწრაფი გადასვლა და ბურთის დროული მოპოვება. ამით მეტოქესთან უპირატესობას შევიქმნით.“

„კილიან მბაპემ ისტორიულ ეტაპს მიაღწია, მან კრიშტიანო რონალდუს რეკორდი გაიმეორება. ვფიქრობ, მომდევნო 3 წელიწადში „10“-იანი კარიერის პიკზე იქნება.“

„იმედი მაქვს, ტრავმების მხრივ პრობლემები აღარ გვექნება. 2026 წელი სრულიად განსხვავებული უნდა იყოს. ფუნდამენტი, რასაც ახლა ვაშენებთ, შედეგებს მალე მოიტანს.“

„ალონსო აგებს და „რეალი“ იგებს? ეს ფორმულები თქვენთვის დაიტოვეთ.“

„გილოცავთ დამდეგ დღესასწაულებს და გისურვებთ სიმშვიდეს.“