კილიან მბაპემ „სევილიას“ კარი აიღო და ისტორიული გოლის გატანა შეძლო, რომელიც 2025 კალენდარულ წელს 59-ე აღმოჩნდა.

ამ მაჩვენებლით კილიანმა კრიშტიანო რონალდუს საოცარი შედეგი გაიმეორა, რომელიც პორტუგალიელს 2013 წელს ჰქონდა.

მბაპეს ანგარიშზე 11 დუბლი, 4 ჰეთ-თრიკი და ერთი პოკერი, დანარჩენ შემთხვევაში მან თითო-თითო გოლის გატანა შეძლო.

მბაპემ ამ წელს ასევე შეძლო და ბერნაბეუს საპრეზიდენტო ლოჟაში ოქროს ბუცი წარადგინა.

აღსანიშნავია, რომ ამ სეზონში მბაპე ლა ლიგაში 18 გოლს მოითვლის და ჩემპიონატის უპირობო ბომბარდირია, ყველა ტურნირზე კი ჯამში 29 გოლი აქვს გატანილი.