ესპანური და ბრიტანული გამოცემების ცნობით, მანჩესტერ „იუნაიტედმა“ მადრიდის „რეალს“ მაცდური წინადადებით მიმართა.

ინგლისური კლუბი მზად არის, მადრიდულ გრანდს ნიკო ფასის სანაცვლოდ 80 მილიონი ევრო გადაიხადოს, ყველაზე საინტერესო კი ის არის, რომ ეს იქნება სუფთა 80 მილიონი და არ მოიცავს იმ გადასახადს, რაც ფლორენტინო პერესმა „კომოს“ წინაშე უნდა გაიღოს.

მანჩესტერელები არგენტინელ ამომავალ ვარსკვლავში უდიდეს პერსპექტივას ხედავენ და მზად არიან, კოლოსალური თანხა გადაიხადონ.

ესპანური გამოცემების ცნობით, აღნიშნულ წინადადებაზე მადრიდში მსჯელობა მიმდინარეობს.