როგორც მოსალოდნელი იყო, ედუარდო კამავინგას აღდგენითი პროცესი დასრულდა.

ფრანგი ფეხბურთელი „სევილიასთან“ დაპირისპირებაში განაცხადში იქნება.

ექიმებმა დადებითი რეკომენდაცია გასცეს და კამა მზად არის, ანდალუსიური კლუბის წინააღმდეგ სათამაშოდ.

ის, რომ ედუ განაცხადში მოხვდება, გადაწყვეტილია, თუმცა უცნობია, დაიწყებს თუ არა ის შეხვედრას პირველივე წუთებიდან.

ჩაბი ალონსო ფრანგ ნახევარმცველზე დიდ იმედებს ამყარებს და სურს, რომ იანვრის მატჩებში დიდი დატვირთვა მისცეს.