ესპანური გამოცემების ცნობით, მადრიდის „რეალის“ ხელმძღვანელობა მთავარი მწვრთნელობის ერთ-ერთ კანდიდატად დავიდე ანჩელოტის განიხილავს.

დავიდემ რამდენიმე დღის წინ „ბოტაფოგოს“ მთავარი მწვრთნელის პოსტი დატოვა. აქვე გავრცელდა ინფორმაცია, რომ ის მამას ბრაზილიის ნაკრებში შეუერთდება და მსოფლიოს 2026 წლის ჩემპიონატზე კარლიტოსთან ერთად იქნება.

ესპანური გამოცემების ცნობით, „რეალი“ აფასებს ღრმა ცოდნას, რომელიც კლუბის ფილოსოფიის, ტრადიციების და მიდგომების მიმართ დავიდეს გააჩნია, სწორედ ამიტომ, პერესი მიიჩნევს, რომ უმცროსი ანჩელოტის კანდიდატურა შესაძლოა წარმატების ფორმულის შემქმნელი აღმოჩნდეს.

ამასთანავე ცნობილია, რომ დავიდე კარგად არის გათვიცნობიერებული თანამედროვე ტექნოლოგიებში და ამის ფეხბურთში ინტეგრაციას უწყობს ხელს.

კარლო ანჩელოტი წლების მანძილზე ამბობდა, რომ ის ძველი ყაიდის სპეციალისტია, დავიდესთან ერთად მუშაობა, რომ თანამედროვეობის უკეთ აღქმასა და ტექნოლოგიების გამოყენებაში უწყობს ხელს.

სხვა ინფორმაციები ჯერ-ჯერობით არ ვრცელდება, თუმცა ფაქტია, რომ დავიდეს სახელმა მადრიდულ ოფისებში გაიჟღერა.