„ტალავერასთან“ დაპირისპირების წინ ჩაბი ალონსომ პრესკონფერენცია გამართა.

„ამ გუნდს უდიდესი მოტივაცია ექნება, ვინაიდან „რეალთან“ შეხვედრის შანსი მიეცა. „ტალავერას“ შესახებ ბევრი ინფორმაცია არ გვაქვს, თუმცა მზადების პროცესი კომპლექსური იყო. ჩვენი მიზანი სწრაფი, მწყობრი და გამართული თამაშის ჩვენება იქნება. აუცილებლად უნდა გავიმარჯვოთ და მომდევნო ეტაპზე გასვლა შევძლოთ.“

„მეტოქეს პატივს ვცემთ და მივიჩნევთ, რომ საბრძოლველად მზად ვართ.“

„ვარჯიშს რამდენიმე ფეხბურთელი გამოაკლდა, თუმცა სასიამოვნო სიურპრიზებიც გვაქვს.“

„ტაქტიკური თვალსაზრისით სწორ მიდგომას დიდი მნიშვნელობა აქვს. წლის ბოლომდე 2 მატჩი დარჩა და ორივე უნდა მოვიგოთ, შემდეგ კი დიდ მიზნებზე ვიფიქროთ. დასვენების დღეებს აუცილებლად გამოვიყენებ იმისთვის, რომ გუნდს კარგი დინამიკა მივცე.“

„არავინ იცის, რა მოხდება მომავალში. მე პატივს ვცემ, როგორც პრეზიდენტის, ასევე დირექტორთა საბჭოს აზრს.“

„მსაჯების განცხადებები? საკუთარი ინტერესების დაცვა ყოველთვის ლეგიტიმურია. ახლაც ვამბობ, რომ მსაჯი ჩვენს წინააღმდეგ „ალავესთან“ შეხვედრაშიც შეცდა. ვინისიუს ჟუნიორის მომენტს ბევრჯერ ვუყურე, ეს იყო 100%-იანი პენალტი.“

„ვალდეპენიასის დებიუტით კმაყოფილი ვარ ბედნიერი ვარ. მივიჩნევ, რომ ახალგაზრდა მცველს დიდი პერსპექტივა აქვს. როდესაც სწორ დროს სწორ ადგილას ხარ, ბოძებული შანსი უნდა გამოიყენო და შრომა გააგრძელო. ვალდეპენიასი ახლაც გუნდთან ერთად ვარის და „ტალავერას“ წინააღმდეგ განაცხადში მოხვდება.“

„მე არ ვარ იგივე ჩაბი, რაც ივნისში ვიყავი. ფეხბურთელები უკეთ გავიცანი, სიტუაცია უფრო გავითავისე. ადაპტაცია ფაქტობრივად დასრულებულია, წინ კი დიდი გეგმები მაქვს, რომელსაც განვახორციელებ.“

„თუ მარტში უკეთესი გუნდი ვიქნებით, ვიდრე ახლა ვართ, ძალიან ბედნიერი ვიქნები. ჩემი მიზანი ყოველთდღიური პროგრესია.“

„როდრიგო გოეშმა ბოლო 2 მატჩში შესანიშნავი შთაბეჭდილება დატოვა, ბრაზილიელს როგორც მარჯვენა ფლანგელად, ასევე შემტევ ნახევარმცველად თამაში იდეალურად შეუძლია. მას აქვს კარგი დარტყმა და ცდილობს, გუნდისთვის სასარგებლო იყოს.“

„ზოგიერთ შეხვედრას სჭირდება დამატებითი ფსიქოლოგიური მომზადება და ჩვენ ამ მხრივ პრობლემები არ გვაქვს.“