მადრიდის „რეალის“ ფეხბურთელებმა „ლა კოპას“ დაპირისპირებისთვის მზადება დაასრულეს.

აღსანიშნავია, რომ სესია გამოტოვეს ფედე ვალვერდემ, კილიან მბაპემ და დანი სებალიოსმა. ამ უკანასკნელს გასტროენტერიტის გამო უწევს უქმობა.

დავიდ ალაბამ დატვირთვა მიიღო, თუმცა მისი მოედანზე გასვლა სათუოა.

ჩაბი ალონსომ სესიაზე ოთხ კანტერანოს უხმო, მათ შორის ტიაგო პიტარჩის, ხოან მარტინესს, ჩესტეროს და ვიქტორ ვალდეპენიასს.

ვარჯიშზე დიდი ყურადღება დაეთმო ინტენსივობას, შეტევაში სწრაფ გადასვლას, პრესინგს, კარში დარტყმებს და სტანდარტებს.

შეგახსენებთ, „ლა კოპას“ შეხვედრა ხვალ, 17 დეკემბერს, თბილისის დროით 23:55 საათზე აიღებს სტარტს.