ესპანური გამოცემების ცნობით, მადრიდის „რეალს“ იურგენ კლოპთან ურთიერთობების გაგრძელების იმედი გადაეწურა.

გერმანელმა სპეციალისტმა ღიად და მკაფიოდ უთხრა ფლორენტინო პერესის წარმომადგენლებს, რომ „რეალში“ მუშაობას არ აპირებს და მისი პრიორიტეტი ამ ეტაპზე სამწვრთნელო საქმიანობაში დაბრუნება არ არის.

ამასთანავე ვრცელდება ინფორმაცია, რომლის მიხედვითაც, კლოპი არ იზიარებს პერესის პროექტს სუპერლიგასთან დაკავშირებით და მიიჩნევს, რომ ეს პროექტი სახიფათოა. გუნდის მთავარ მწვრთნელსა და პრეზიდენტს შორის პოზიციების ასეთი აცდენა კი ნამდვილად ვერ იქნება წარმატებული კოლაბორაციის საფუძველი.

„მარკას“ ინფორმაციით, „რეალი“ არ იჩქარებს და ფლორენტინო პერესი ჩაბი ალონსოს მხოლოდ იმ შემთხვევაში გაუშვებს, თუ მის ღირსეულ შემცვლელთან მიაღწევს შეთანხმებას.