„ალავესთან“ გამარჯვების შემდეგ ჩაბი ალონსომ პრესკონფერენცია გამართა.

„ჩვენ აქ მოსაგებად ჩამოვედით და მიზანი მიღწეულია. „ალავესი“ საკმაოდ ენერგიული გუნდია, რომელიც 90 წუთის მანძილზე გაუჩერებლად მოძრაობდა. გამარჯვება ნამდვილად დამსახურებული იყო. ვამაყობ ბიჭების გარჯით, არაერთ ასპექტში დავინახე მონდომება.“

„ერთიანობა ფუნდამენტურია. ვფიქრობ, ძალიან მნიშვნელოვანია, რომ გუნდმა სულისკვეთება შეინარჩუნოს. დარწმუნებული ვარ, კიდევ მოვუმატებთ.“

„ვინისიუსი? მას მთელი გუნდის მხარდაჭერა აქვს. ბრაზილიელი ფეხბურთელი აქტიურად მოქმედება და ყველა მატჩში აჩვენებს საკუთარ სიყვარულს სამეფო კლუბის მიმართ.“

„როდრიგოს გასახდელში ვუთხარი, რომ გოლი უნდა გაეტანა, სამხრეთ-ამერიკელმა დავალება იდეალურად შეასრულა.“

„ვალდეპენიასის დებიუტი სასიამოვნოა, მას წარმატებებს ვუსურვებ. კანტერანომ აჩვენა საკუთარი სისწრაფე, თანმიმდევრულობა და ემოციური მდგრადობა, რაც მისი ასაკის ფეხბურთელისთვის რა თქმა უნდა, ძალიან მნიშვნელოვანია.“

„ვინისიუსის მომენტში აშკარა პენალტი იყო, თუმცა ყველას თავისი აზრი აქვს, რომელიც პატივისცემას იმსახურებს.“

„3 დღეში ერთხელ გვიწევს მოედანზე გასვლა, ეს მარტივი არ არის, მაგრამ სხვა გუნდებიც იგივე სიტუაციაში იმყოფებიან.“

„როგორც უკვე გითხარით, „ალავესთან“ გასვლაზე თამაში მარტივი არ არის. ჩვენ გვჭირდებოდა 3 ქულა და მიზანი მიღწეულია, დანარჩენს კი მომდევნო მატჩებში ვიხილავთ.“