მადრიდის „რეალმა“ ფრანგულ „ლიონს“ აცნობა, რომ ენდრიკ ფელიპესთან დაკავშირებით არაფერი იცვლება.

დარჩება თანამდებობაზე თუ დატოვებს თანამდებობას ჩაბი ალონსო, ენდრიკი იანვრის დასაწყისიდან ფრანგული კლუბის ღირსებას დაიცავს.

ფელიპე „ლიონს“ იჯარის წესით შეუერთდება, „ბლანკოსი“ კი მიიღებს გარანტიას, რომ ბრაზილიელ ფეხბურთელს მუდმივი სათამაშო დრო ექნება.

ენდრიკის გეგმები შორსმიმავალია, მას ბრაზილიის ნაკრებში მოხვედრა და მსოფლიოს 2026 წლის ჩემპიონატზე ასპარეზობა სურს.