როდრიგო გოეშის სიტუაცია „სიტისთან“ გატანილმა გოლმა და ნაჩვენებმა მაღალმა დონემ შეცვალა.

ავტორიტეტული ესპანური გამოცემების ცნობით, ჩაბი ალონსო გოეშის გამოყენებას „ალავესთანაც“ აპირებს. როდრიგო კვლავ შეტევის მარჯვენა ფლანგზე იქნება განლაგებული.

ამ ეტაპზე გუნდში არ არის იმის დრო, რომ გოეშმა კვლავ მარცხენა ფლანგზე იფიქროს და ვინისიუსის კონკურენციას დაუთმოს ძირითადი კონცენტრაცია.

ბრაზილიელი ფეხბურთელისთვის ახლა სათამაშო დრო ყველაზე მნიშვნელოვანია და ამას ჩაბი ალონსოც ხვდება.

თუ მბაპე მწყობრში ჩადგომას მოასწრებს, წინა ხაზში ვინი, მბაპე, როდრიგოს ტრიოს ვიხილავთ.