ახალგაზრდა, 20 წლის მცველი, ჯერემი ჟაკე მადრიდის „რეალის“ რადარზეა. ფლორენტინო პერესის გარდა პერსპექტიულ ფეხბურთელზე პრეტენზიას 4 კლუბი აცხადებს.

„რენის“ ფეხბურთელი უკვე 1 წელიწადზე მეტია ძალიან მაღალი ხარისხის ფეხბურთს თამაშობს და არაერთი გრანდის ყურადღება მიიპყრო, მისი ფასი ამ ეტაპისთვის 10-15 მილიონი ევროა, თუმცა სწრაფი ზრდით გამოირჩევა.

ჟაკეზე პრეტენზიას „ბლანკოსის“ გარდა ლონდონის „არსენალი“, მიუნხენის „ბაიერნი“ და ტურინის „იუვენტუსი“ აცხადებენ.

„ბლანკოსში“ ახალგაზრდა მცველთან დაკავშირებით სერიოზული მსჯელობა მიმდინარეობს, ფლორენტინო პერესის აზრით, მას დიდი პერსპექტივა აქვს და მისი ჟაკეს ასაკის გამო, მრავალწლიანი გათვლის გაკეთებაც შესაძლებელი იქნება.

რაც შეეხება ჯერემისა და „რენის“ მოქმედ კონტრაქტს, ხელშეკრულება ძალაში 2029 წლის 30 ივნისამდეა.